Que é Polavila DoCampo?

É unha homenaxe pública e itinerante ao mestre e escritor Xabier Docampo, que terá lugar cada ano nunha provincia e cidade distinta, o 5 de abril, coincidindo coa data do seu nacemento. Podes contactar coas persoas que organizan Polavila Docampo no enderezo electrónico polaviladocampo@gmail.com.

A deste ano foi a primeira e celebrouse no Fórum Metropolitano da Coruña e nela participaron poetas, músicos, narradoras/es orais, cantoras, escritoras e escritores e outras amizades ante unha audiencia de máis de 300 persoas. Podes consultar o programa da xornada do 5 de abril de 2024 nesta ligazón e a do ciclo de cinema Xabier P. Docampo na memoria, aquí. Tamén podes escoitar as gravacións sonoras da Gala Polavila DoCampo 2024 no noso blog, así como a lectura de Daniel Puente Bello do álbum "Mans". 





Publicacións populares deste blog

Polavila Docampo 2024

Imaxe
A Polavila Docampo é unha homenaxe pública e itinerante ao mestre e escritor Xabier Docampo, que terá lugar cada ano nunha provincia e cidade distinta, o 5 de abril, coincidindo coa data do seu nacemento. A deste ano é a primeira e celebrarase no Fórum Metropolitano da Coruña (Rúa Río de Monelos, 1). Nela participarán poetas, músicos, narradoras/es orais, cantoras, escritoras e escritores e outras amizades. Por suposto, pode asistir calquera persoa que o desexe. Aquí vos deixamos o programa da xornada do 5 de abril : 18:00- 18:15 horas: apertura da Polavila , da exposición bibliográfica sobre Xabier DoCampo e das adhesións recibidas de bibliotecas escolares, no vestíbulo do Fórum Metropolitano. 18:15 – 19:00 horas: Vouche contar un conto , sesión de contos para público familiar na sección infantil da Biblioteca do Fórum Metropolitano. Require inscrición previa .  19:00 – 19:45 horas: Catro cartas , lectura pública e continuada deste libro a cargo de amizades de Xabier DoCampo, no
Ler máis

Ciclo de cinema: Xabier P. DoCampo na memoria

Imaxe
Ademais de mestre, escritor, contacontos e un incansábel promotor da lingua e a cultura galega e da lectura, Xabier P. DoCampo foi un gran cinéfilo, un deses que non sería quen de contar as horas que na súa vida pasou na escuridade dunha sala. Esta paixón fíxose explícita n’ A nena do abrigo de astracán (2018), estruturada en sete capítulos con títulos de películas clásicas, as sete que a nena protagonista ve nas sesións dos domingos e lle serven de refuxio e de aprendizaxe fronte as miserias e crueldades da Galiza da posguerra. Para ela, igual ca para o autor, o cinema é unha xanela ao mundo, mais o cinema, o mellor cinema, fala sempre de nós: axúdanos a entender o que pasa fóra e o que nos pasa por dentro, a comprender e a comprendérmonos. É unha xanela, mais tamén é un espello. Nunha homenaxe ao autor chairego, pois, o cinema non pode non estar presente. Abre o ciclo A cinta branca de Michael Haneke, que tanto lle gustou e que, no seu estudo das raíces do mal, conecta ben coa que
Ler máis

«Polavila Docampo», columna en «Nós diario»

Imaxe
O editor Antonio Ventura incitou a Xabier P. DoCampo a que escribise un libro sobre o valor da lectura dirixido a persoas mediadoras. Tirando dese fío, Xabier, namorado do xénero epistolar como recurso creativo e de intervención política, escribiu unha das súas obras senlleiras, Catro cartas (Anaya, 2000; Xerais, 2020), na que reflexiona sobre a literatura como emoción compartida e os libros como un espazo de encontro. Dirixidas á amada, ao fillo, á mai e a Tusitala (R.L.S.), cun quinta peza, fóra de catálogo, a quen lese as anteriores, DoCampo reflexiona con lucidez e beleza sobre a lectura (tamén a escritura) como un traxe que lle senta ben a alma e fai a vida máis fermosa. Lectura e escritura, nas súas palabras, que desempeñan a función «de nos axudaren a nos coñecer e recoñecer», «dúas iniciativas individuais que nos axudan a indagar en nós e, ao mesmo tempo, se substancian no outro, por medio da entrega, da xenerosidade e do amor». O vindeiro venres, 5 de abril, ca
Ler máis